好耐無寫xanga，但為左呢條友，真係要寫一寫！

那天我在看「頭條新聞」，有個咩咩香港大學學生會主席陳一諤，唉.......

佢話：若果當日學生可以和平散去......

我即時反應，我同我阿媽講：「呢條友究竟知唔知六四發生咩事呀？睇佢gel 晒頭，笑笑口，咩料呀！」

我阿媽好平淡，但好「中」咁講左一句話：「六四嗰陣，佢都未出世。」

呢個gel 頭友，好明顯，我估架咋，由細到大屋企人都勁錫佢，讀到ok 好的學校，升到大學，唔洗借grant loan 唔洗補習，無事做諗住做個學生會主席玩下，好威，又多人識，有機會上電視，好似半個明星咁，所以出鏡一定要gel 行個頭。

佢憑咩做學生的領袖！

當然，我相信現在沒有大學生會認為學生會主席就是學生的領袖。

不幸中的大幸是，港大學生會已聲明與會長劃清界線，否則，我真的會對這間百年老字號非常失望。

陳一諤仲細，又讀得書少，真係唔應該圍攻佢，希望佢第日大個會識諗啦！

以「宏觀」看六四........呢個唔係香港人接唔接受challenge 的問題，而係呢條友知唔知咩叫做「宏觀」的問題！

我個人好隨和，真係好少咁樣批評人，但最近我剛巧在看王丹的散文集，每讀一篇，都不禁想起當年他們的血，他們為民主、自由的爭戰。他們已不能再踏足自己的國家，陳一諤難道暗示他們是咎由自取？

等我借勢捧中大先，都係中大好啲，起碼當日有人送「精忠報國」的旗幟給當日的葉劉。

中大來來去去都係衰鹹濕，新亞桑拿、四級學生報......

但起碼政治正確。

呢篇日記，到我條氣順返，或者到有人同我講唔好在網上攻擊無知少年，我便會delete。